يا بعد عمري يالعراق

من طرف **فرات الشرقي** الأحد فبراير 26, 2012 6:25 pm

يا بعد عمري يا العراق

بعد روحي يغالي يا ضوه العين
يانور العيون وساكن الروح
مو كافي تظل متحمل اجروح
احسك تسري بيه
احظنك بين أديه
اشد جرحك يغالي
اساهرلك ليالي
واظل طول العمر مطلوب الك دين
بعد روحي يغالي ياضوه العين

ياعشكَ الكَلب بيك آنه ولهان
ولا يزايد عليه بعشكَك انسان
انت الوالد العود
كرم والطيبه والجود
شيعي ولا سني
يفديك بهذني
يضحيلك حبيبي عيونه الثنين
بعد روحي يغالي ياضوه العين

يسراج العلم ياقلعة أبطال
الك توفي وحياتك كل الاجيال
لانك انت ابونا
يا أمنا واخونا
الك وحدك نوافي
نعطرها القوافي
بحبر الحب حبيبي نطفي نارين
بعد روحي يغالي ياضوه العين

يجنوب وشمال وكل الديار
دكَلي انت بحلاتك ياوطن صار
انت الكل يحبك
يصونك كون ربك
جنودك همه ولدك
تحمي اتصون حدك
نظل نسهر عليك ونطرد البين
بعد روحي يغالي ياضوه العين

ندري شما كتبنا تخون الاشعار
الك شوكَ العيون يفيض انهار
يابو النخل عالي
تظل للدوم غالي
مدري شاكتب عليك
القوافي ما توفيك
تظل انت الكريم الطيب الزين
بعد روحي يغالي ياضوه العين

تحياتي لجميع الاعضاء

من طرف **Omar Alsharki** الأحد فبراير 26, 2012 6:54 pm

بسم الله الرحمن الرحيم
السلام عليكم ورحمة الله وبركاته

[ندعوك للتسجيل في المنتدى أو التعريف بنفسك لمعاينة هذا الرابط]

أول شي شكراً جزيلاً على الموضوع الجميل,
تمنايتنا ان يستمر هذا العطاء في منتديات نبض الأبداع
و بالأخير اتمنى ان تتقبل تحيتي

Omar Alsharki
عمر الشرقي